URIP PASRAHKE SING GAWE URIP
Ora sethithik wong sing bingung negesi tembuh pasrah. Saking bingunge malah rata-rata nganggep pasrah kuwi padha karo mutung (menyerah). Malah timbul tetembungan pasrah ngalah: menyerah dan mengalah. Hla tambah mbingungake. Menyerah marang sapa utawa apa? Ngalah marang sapa utawa apa? Hla apa ya bener yen wong masrahake nganten ngono kae tegese ngandharake menawa ngantene lagi mutung? Utawa ateges wongtuwane nganten lanang wis mutung ngopeni anak banjur diwenehake marang wongtuwane nganten wadon supaya dipupu (diadopsi)? Ora ngono ta? Pasrah utawa asrah utawa masrahake kuwi saka tembung srah. Srah saiki dadi tembung ing basa Indonesia sing tulisane malih sethithik: serah. Yen ngono pasrah; asrah; masrakake nunggal teges karo menehake; ngaturake; nyaosake; menyerahkan, utawa sing luwih elok bokmenawa mempersembahkan. Yen ana unen-unen "urip pasrahke Sing Gawe Urip" mesthine mengku karep supaya uripe awake dhewe ing donya iki dipersembahkan kepada Tuhan; mung kanggo ngestokake kersane Gusti Allah. Wah, ketara endah. Nanging kaprahe wong muni "urip pasrahke Sing Gawe Urip" nalika lelakon uripe nedheng rekasa, mlarat, kesimpar. Ora ana wong sugih kober muni ngono kuwi. Ora ana wong apangkat dhuwur eling muni ngono kuwi. Ora ana wong kajen keringat sangat terhormat ngreti tembung ngono kuwi. Sebab wong sing sugih bandha rumangsa sembada ngurusi kabeh reribede nganggo dhuwit, ora butuh Gusti Allah. Wong sing apangkat dhuwur rumangsa bisa ngrampungi reruwete mung kanthi nuding kana nuding kono pawitan driji manis diluruske, ora prelu sambat Pangerane. Wong sing kajen-keringan mung butuh kedhep mripate, dhehem gurunge, njinjit alise, utawa nglirik mripate amrih sarwa cumawis kabeh kebutuhane, ora prelu dadak ndedonga nyuwun marang Sing Gawe Urip. Mung wong sing nedheng rekasa, mlarat lan kesimpar sing bisa ngrumangsani menawa dheweke kuwi mung titah. Sing diarani titah wis genah ana sing nitahake. Yen wis bisa ngrumangsani ngono kuwi mesthi sabanjure bisa nglakoni pasrah. Carane piye? Carane kanthi lelaku sumarah. Sumarah kuwi piye? Kok mbingungake maneh? Sumarah kuwi lelaku kaya dene sarah. Sarah kuwi uwuh utawa sampah. Uwuh kuwi ora duwe daya. Diumbrukake ing pojokan omah sumangga. Diobong sumangga. Dipendhem sumangga. Diecer-ecer ngratani latar ya sumangga. Manungsa sing lelaku Pasrah Sumarah kuwi mung sumangga Gusti sebab ngreti werdine Laa haula wa laa quwwata illaa billaah. Jane, pasrah sumarah marang Gusti Allah kuwi kudune dilakoni sadurunge nglakoni liyane. Eman banget, kaprahe wong muni pasrah kuwi nalika kecemplung jurang sawise sembrana kesuwen gumendhung rumangsa urip iki oleh sakarepe dhewe.
Tak sedikit orang yang kesulitan hingga bingung mengartikan kata "pasrah". Sedemikian bingungnya justeru rata-rata menganggap "pasrah" itu sama dengan "menyerah". Ditambah adanya ungkapan "pasrah ngalah". Jadi makin membingungkan. Menyerah kepada siapa atau apa? Mengalah kepada siapa atau apa? Apakah benar jika seseorang yang ditunjuk menyampaikan sambutan pasrah dalam acara perkawinan itu tugasnya menerangkan bahwa orangtua mempelai pria sudah merasa menyerah dalam mengasuh anaknya lantas diserahkan kepada besan untuk diadopsi? Begitukah? Pasrah atau asrah atau masrahake itu kosakata bahasa Jawa yang berasal dari kata srah. Srah yang kemudian diserap menjadi kosakata bahasa Indonesia yang tulisannya sedikit berbeda dengan bahasa asalnya: serah. Maka pasrah; asrah, masrahake itu searti dengan kata menyerahkan; memberikan; mempersembahkan. Jika ada ungkapan "Urip Pasrahke Sing Gawe Urip" mestinya berarti supaya hidup kita di dunia ini dipersembahkan kepada Tuhan; hanya untuk mengikuti kehendak Tuhan. Alangkah mulia. Namun kaprahnya orang berseru "urip pasrahke Sing Gawe Urip" itu ketika kisah hidupnya sedang berada di titik kesengsaraan, kemelaratan dan kehinaan. Tidak ada orang kaya yang sempat berseru begitu. Tidak ada orang berpangkat dan berjabatan tinggi ingat untuk berkata begitu. Tidak ada orang terhormat yang mengerti pentingnya bilang begitu. Kenapa? Karena orang kaya merasa sudah pasti akan mampu menyelesaikan segala persoalan dengan uang. Orang berpangkat dan berjabatan tinggi sudah pasti merasa akan selalu bisa menuntaskan masalah dengan sekadar tunjuk sana tunjuk sini mengunakan jari manis kanannya. Orang terhormat hanya perlu berkedip, menaikkan alis sedikit atau pura-pura batuk lirih agar segala kebutuhannya terpenuhi. Mereka tidak sedang dalam kondisi yang darurat untuk berdoa memohon kepada Tuhan. Hanya orang yang sedang menderita, melarat dan terpinggirkanlah yang mudah sampai pada keyakinan bahwa kita ini hanya makhluk. Disebut makhluk pastilah khaliknya. Bila telah begitu kesadarannya tentu selanjutnya bisa pasrah. Bagaimana caranya? Caranya dengan berlaku sumarah. Sumarah itu bagaimana? Kok semakin membingungkan? Sumarah itu bersikap seperti sarah. Sarah adalah sampah. Sampah itu tak berdaya. Mau ditumpuk di sudut rumah silakan. Dibakar silakan. Dipendam silakan. Kalau pun akan disebar-sebarkan hingga rata sehalaman juga silakan. Manusia yang pasrah sumarah itu niscaya kapan pun dan di mana pun selalu sumangga Gusti (terserah apa kehendakNya) karena mengimani kebenaran Laa hawla wa laa quwwata illaa billaahi. Sesungguhnya pasrah sumarah itu patutnya di awal sebagai penguat dan pemurni niat. Sayang sekali, kebanyakan orang pasrah setelah tercebur ke jurang dalam akibat kejemawaa karena telah lama merasa bahwa hidupnya boleh dibuat semuanya sendiri.
